Apollo Diagnostic Center Logo
पूर्ण रूपमा गोप्य • NPHL 'A' ग्रेड प्रयोगशाला

काठमाडौंमा गोप्य HIV 1 र 2 परीक्षण

१००% गोपनीयताको साथ भरपर्दो HIV परीक्षण सेवा। हामी प्रारम्भिक संक्रमण पहिचानका लागि WHO द्वारा मान्यता प्राप्त Abbott Determine™ 4th Gen Early Detect र्यापिड किट र उच्चतम शुद्धताका लागि पूर्ण स्वचालित MAGLUMI™ CLIA प्रविधि प्रयोग गर्दछौं।

साधारण एन्टिबडी जाँच

Basic Rapid (3rd Gen)

HIV-1 र HIV-2 एन्टिबडी मात्र जाँच्दछ। नियमित स्वास्थ्य जाँच वा ९० दिनभन्दा अघिको सम्पर्कको लागि उपयुक्त।

रु ५००
बुकिङ गर्नुहोस्
WHO Prequalified • प्रारम्भिक पहिचान
p24 Antigen + Antibody

Abbott Determine™ 4th Gen

Abbott Determine™ HIV Early Detect किटद्वारा रगतको एउटै थोपाबाट भाइरल p24 एन्टिजेन र एन्टिबडी दुवैको परीक्षण। २० मिनेटमै नतिजा।

रु ८०० तत्काल STAT रिपोर्ट
Abbott 4th Gen बुकिङ गर्नुहोस्
उच्चतम शुद्धता
स्वचालित मेसिन प्रणाली

HIV CLIA (4th Gen)

हाम्रो MAGLUMI™ मेसिनद्वारा गरिने Chemiluminescence Immunoassay। मानवीय त्रुटि शून्य र अत्यधिक संवेदनशील प्रविधि।

रु १,५००
CLIA परीक्षण बुकिङ
रिपोर्ट आउने समय (TAT): र्यापिड परीक्षणको रिपोर्ट ल्याबमै २० देखि ४० मिनेटभित्र उपलब्ध हुन्छ। स्वचालित CLIA रिपोर्ट सोही दिन गोप्य रूपमा उपलब्ध गराइनेछ।
क्लिनिकल उत्कृष्टता WHO Prequalification Code: PQDx 0243-013-00

Abbott Determine™ HIV Early Detect को क्लिनिकल विशेषता

अपोलो डायग्नोस्टिक सेन्टरमा हामी परीक्षणको गुणस्तरमा कुनै सम्झौता गर्दैनौं। हामी विश्वप्रसिद्ध Abbott Determine™ HIV-1/2 Ag/Ab Combo (Early Detect) किट प्रयोग गर्दछौं। साधारण र्यापिड परीक्षण (3rd Generation) ले शरीरमा एन्टिबडी बनेपछि मात्र नतिजा दिन सक्छ, तर Abbott 4th Gen प्रविधिले एउटै परीक्षण स्ट्रिपमा दुई छुट्टाछुट्टै मार्करहरू एकैपटक पहिचान गर्दछ:

Free HIV-1 p24 Antigen पहिचान

p24 भाइरसको बाहिरी खोल (Capsid) बनाउने प्रोटिन हो। भाइरस प्रवेश गरेको सुरुवाती दिनहरूमा शरीरले एन्टिबडी बनाउनुभन्दा अगाडि नै रगतमा p24 एन्टिजेन तीव्र रूपमा फैलिन्छ। यसले गर्दा संक्रमण भएको केही दिनमै यसलाई पत्ता लगाउन सकिन्छ।

HIV-1 र HIV-2 विशेष एन्टिबडीहरू

यसले HIV-1 र HIV-2 विरुद्ध शरीरले उत्पादन गरेका मानव IgG र IgM एन्टिबडीहरू पनि जाँच्दछ। यसले पुरानो वा लामो समयदेखिको स्थापित संक्रमणलाई ९९.८% भन्दा बढी शुद्धताका साथ पहिचान गर्दछ।

WHO मान्यताको महत्त्व: विश्व स्वास्थ्य संगठन (WHO) द्वारा प्रमाणित किटहरूले अन्तर्राष्ट्रिय मापदण्ड, सुरक्षा र संवेदनशीलताको कडा परीक्षण पार गरेका हुन्छन्। यसले गर्दा रिपोर्ट गलत (False positive वा False negative) आउने सम्भावना नगण्य हुन्छ।

विन्डो पिरियड (Window Period) बुझौं

जोखिमयुक्त यौन सम्पर्क भएको समयदेखि रगतमा परीक्षणले भाइरसका संकेतहरू पत्ता लगाउन सक्ने समयसम्मको अवधिलाई विन्डो पिरियड भनिन्छ।

4th Generation (Abbott Rapid / CLIA): संक्रमण भएको १४ देखि १८ दिनमै p24 एन्टिजेन पत्ता लगाउन सक्छ। ४५ दिनपछिको रिपोर्टलाई पूर्ण रूपमा निश्चित (Conclusive) मानिन्छ।
3rd Generation Rapid (एन्टिबडी मात्र): २३ देखि ३० दिनपछि देखिन थाल्छ, तर पूर्ण रूपमा ढुक्क हुन ९० दिन (१२ हप्ता) कुर्नुपर्छ।
Qualitative RNA PCR: सिधै भाइरसको आरएनए (RNA) जाँच्ने परीक्षण, जसले ७ देखि १० दिनमै भाइरस पत्ता लगाउन सक्छ।

प्रारम्भिक HIV संक्रमणका लक्षणहरू

संक्रमण भएको २ देखि ४ हप्ताभित्र करिब ६० देखि ८० प्रतिशत व्यक्तिहरूमा फ्लू (रुघाखोकी) जस्तै देखिने Acute Retroviral Syndrome (ARS) का लक्षणहरू देखिन सक्छन्:

  • लगातार ज्वरो आउने, जाडो लाग्ने र राती पसिना आउने
  • घाँटी, काखी वा तिघ्राको जोर्नीका ग्रन्थीहरू (Lymph nodes) सुन्निने
  • घाँटी दुख्ने र मुखभित्र सेतो वा रातो घाउहरू आउने
  • छाती वा शरीरमा राता बिमिराहरू (Skin rashes) देखिने
  • अत्यधिक थकान लाग्ने र जोर्नी तथा मांसपेशी दुख्ने
क्लिनिकल सल्लाह: यी लक्षणहरू सामान्य भाइरल ज्वरो वा डेंगुसँग मिल्दाजुल्दा हुन्छन्। केवल लक्षणको भरमा HIV को निदान गर्न सकिँदैन; यसका लागि रगतको विशेष प्रयोगशाला परीक्षण अनिवार्य हुन्छ।
गोप्य चिकित्सकीय सहयोग

उपचार तथा क्लिनिकल परामर्श

HIV पोजिटिभ हुनु अब जीवनको अन्त्य होइन। आधुनिक एन्टिरेट्रोभाइरल थेरापी (ART) को दैनिक सेवनले HIV संक्रमित व्यक्तिहरू सामान्य मानिस सरह लामो र स्वस्थ जीवन जिउन सक्छन्। औषधिले भाइरसको मात्रा रगतमा घटाएर शून्यप्रायः (Undetectable) बनाउँछ।

अपोलो डायग्नोस्टिक सेन्टर सोही भवनको चौथो तलामा अवस्थित Derma Clinic सँग आबद्ध छ। यदि तपाईंलाई पुष्टिकरण परीक्षण (Confirmatory test), जोखिमपछिको आकस्मिक औषधि (PEP), वा विशेषज्ञ परामर्श आवश्यक परेमा पूर्ण गोपनीयताका साथ तुरुन्त सेवा उपलब्ध गराइन्छ।

गोप्य भिजिट बुक गर्नुहोस् ल्याब फोन: ९८०१३५८८७२
बारम्बार सोधिने प्रश्नहरू

HIV परीक्षण सम्बन्धी महत्वपूर्ण जानकारी

3rd Gen र 4th Gen HIV परीक्षण बीच के फरक छ?
3rd Generation परीक्षणले रगतमा HIV-1 र HIV-2 विरुद्ध बनेका एन्टिबडीहरू (Antibodies) मात्र जाँच्दछ, जुन बन्न ३ देखि १२ हप्ता लाग्न सक्छ। तर 4th Generation परीक्षण (जस्तै Abbott Determine किट र स्वचालित CLIA) ले एन्टिबडीका साथै भाइरसको मुख्य प्रोटिन p24 एन्टिजेन (Antigen) पनि पत्ता लगाउँछ। p24 एन्टिजेन संक्रमणको सुरुवाती दिनमै देखिने भएकाले यसले धेरै छिटो संक्रमण पहिचान गर्दछ।
Apollo Diagnostics ले किन Abbott Determine™ 4th Gen कम्बो किट प्रयोग गर्छ?
Abbott Determine™ HIV Early Detect विश्व स्वास्थ्य संगठन (WHO) द्वारा मान्यता प्राप्त (WHO Prequalified) अत्याधुनिक र्यापिड किट हो। यसले रगतको एउटै थोपाबाट HIV-1/2 एन्टिबडी र p24 एन्टिजेन दुवै एकैपटक जाँच्न सक्छ। यसले जम्मा २० मिनेटमै प्रयोगशाला स्तरको भरपर्दो नतिजा दिन्छ।
Abbott 4th Gen परीक्षणको लागि विन्डो पिरियड (Window Period) कति हो?
संक्रमण भएको १४ देखि १८ दिनमै p24 एन्टिजेन रगतमा देखिन थाल्छ। जोखिमयुक्त सम्पर्क भएको २ देखि ४ हप्तामा सुरुवाती संक्रमण पहिचान गर्न सकिन्छ। यद्यपि, अन्तर्राष्ट्रिय दिशानिर्देश अनुसार ४५ दिन पछिको नेगेटिभ रिपोर्टलाई पूर्ण रूपमा निश्चित (Conclusive) मानिन्छ।
के PEP वा PrEP औषधिले परीक्षणको नतिजामा असर गर्छ?
हजुर। PEP (Post-Exposure Prophylaxis) वा PrEP जस्ता एन्टिभाइरल औषधिहरूले भाइरसको वृद्धि रोक्ने भएकाले p24 एन्टिजेन र एन्टिबडी बन्ने समय केही लम्बिन सक्छ। यदि तपाईंले PEP औषधि सेवन गरिरहनुभएको छ भने, औषधि सुरु गर्नुअघि, २८ दिने कोर्स सकिएलगत्तै, र कोर्स सकिएको ४५ दिनपछि अन्तिम पुष्टिकरण परीक्षण गराउनुपर्छ।
'Reactive' वा 'Positive' रिपोर्ट आउनुको अर्थ के हो?
प्रारम्भिक र्यापिड वा CLIA परीक्षणमा 'Reactive' रिपोर्ट आउनु भनेको रगतमा भाइरसका संकेतहरू देखिएको हो। तर यसलाई मात्र अन्तिम रोग निदान मानिँदैन। WHO तथा राष्ट्रिय निर्देशिका अनुसार, पोजिटिभ रिपोर्टको पुष्टिका लागि दोस्रो विधि (जस्तै Western Blot वा HIV RNA PCR परीक्षण) अनिवार्य रूपमा गराउनुपर्छ।
U=U (Undetectable = Untransmittable) भनेको के हो?
U=U एउटा प्रमाणित चिकित्सा तथ्य हो, जसको अर्थ हुन्छ: यदि कुनै HIV संक्रमित व्यक्तिले नियमित एन्टिरेट्रोभाइरल (ART) औषधि सेवन गरेर रगतमा भाइरसको मात्रा नदेखिने स्तरमा (Undetectable) पुर्याउँछ भने, उसबाट यौन सम्पर्कका माध्यमबाट पार्टनरमा भाइरस सर्ने जोखिम शून्य हुन्छ (Untransmittable)।
के Apollo Diagnostic Center मा HIV परीक्षण पूर्ण रूपमा गोप्य र अज्ञात (Anonymous) हुन्छ?
हजुर, हाम्रो ल्याबमा गोपनीयताको १००% प्रत्याभूति दिइन्छ। तपाईंले चाहेमा आफ्नो वास्तविक नामको सट्टा कोड वा छद्मनाम प्रयोग गरेर परीक्षण गराउन सक्नुहुन्छ। तपाईंको रगतको नमुना सिधै बारकोड प्रणालीमार्फत मेसिनमा जाँचिन्छ र रिपोर्ट पासवर्ड-सुरक्षित PDF मार्फत तपाईंको व्यक्तिगत इमेल वा ह्वाट्सएपमा मात्र पठाइन्छ।